Vdekja e Aida Çajkës, gruas shtatzëne, që tronditi opinionin një vit më parë ka ridalë sërish në skenë.
Aktekspertiza ka dalë në konkluzionin se mjekët në tri spitalet ku e transferuan gabuan, e neglizhuan trajtimin e saj.
Mjekësia ligjore një vit më parë kur kreu ekspertizën për Aida Çajkën, gruan shtatzënë që vdiq bashkë me foshnjën e saj të palindur në maternitetin “Koço Gliozheni” në Tiranë deklaroi se Aida Çajka vdiq nga çarja e enëve të gjakut që furnizojnë shpretkën.
Në bazë të veprimeve të kryera nga Prokuroria e Tiranës, rezulton se në datën 16.09.2016 rreth orës 05.00 ne Spitalin-Universitar Obsetrik- Gjinekologjik “Koco Gliozheni” është konstatuar vdekja e pacientes A. C. dhe e fëmijës se saj seksi femër. E ndjera A. C., e cila ishte në muajin e 9 të shtatzënisë, është paraqitur në datë 15.09.2016 rreth orës 22:30 ne Spitalin-Universitar Obsetrik- Gjinekologjik “Koço Gliozheni” ne gjendje të rende shëndetësore e shoqeruar nga te aferm te saj.
Ne vijim, e ndjera është vizituar nga mjekët obsteter gjinekolog, personat nen hetim H. K., N. C. e D. D., të cilët, pasi janë konsultuar ndërmjet tyre, pavaresisht gjendjes së rëndë të pacientes, e kane dërguar pacienten për një kontroll në QSUT për konsulte kardiologu. Pas vizitës se bere nga kardiologu, e ndjera është dërguar ne SU Shefqet Ndroqi, per vlerësim nga pnemulogu, ku pas vizitës është dërguar përsëri në Spitalin-Universitar Obsetrik- Gjinekologjik “Koço Gliozheni” në gjendje shumë të rëndë shëndetësore.
Pas mbërritjes ne Spitalin-Universitar Obsetrik- Gjinekologjik “Koço Gliozheni” rreth orës 04:00 ne gjendje shumë të rëndë shëndetësore, e ndjera i është nënshtruar ekzaminimeve nga ku ka rezultuar se fetusi( fëmija) ishte i vdekur. Nga mjeket është inicuar një ndërhyrje kirurgjikale, por shtetasja A. C. ka ndërruar jetë gjatë kësaj ndërhyrjeje.
